За првпат во историјата на Вимблдон во четвртфиналето ќе нема ниту една од првите десет носителки на женскиот турнир, откако денеска својот настап во осминафиналето го заврши и Каролина Плишкова. Седмата носителка од Чешка беше единствената што обезбеди место меѓу 16-те најдобри, но денеска беше поразена од Кики Бертенс, за тотален потоп на носителките на третиот гранслем турнир во 2018 година. Бертенс го доби првиот сет со 6-3, потоа поведе и со 4-0, но Плишкова собра сили да се врати и да се избори за тај-брејк. Сепак, следеше одличен настап на Бертенс, со што холандската тенисерка ја забележа и втората изненадувачка победа во низа, по онаа во третото коло над Венус Вилијамс.
Ланската победничка на Ролан Гарос, Јелена Остапенко, се врати од 2-5 во првиот сет и славеше со конечни 7-6, 6-0 над Белорусинката Саснович.
Пласман во четвртфиналето обезбеди и Италијанката Џорџи со победата од 6-3, 6-4 над Макарова, како и Цибулкова, која со 2-0 во сетови ја совлада Хсиех.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
