Легендарниот уругвајски напаѓач Луис Суарез го одигра последниот натпревар во дресот на бразлскиот Гремио, а од навивачите на клубот се отпиша постигнувајќи спектакуларен гол во победата на неговиот тим од 1-0 против Васко де Гама па доби овации од преполниот стадион.
Емотивна порака испрати и Гремио кој на социјалните мрежи му се заблагодари на Уругавецот додавајќи дека ќе остане бесмртен.
„Испиша прекрасно поглавие од нашата историја. Каде и да бидеш, за нас засекогаш ќе бидеш бесмртен“, стои во објавата на бразилскиот клуб.
👋🏻🇺🇾 Luis Suárez, saying goodbye to Gremio fans… scoring his final goal.
It’s 555th goal of his career. 🔫pic.twitter.com/EPIh52T7ko
— Fabrizio Romano (@FabrizioRomano) December 4, 2023
За Суарез тоа беше 555 погодок во кариерата, а и покрај тоа што е во 36 година од животот тој нема намера да ги „закачи копачките“ и голема е веројатноста дека повторно ќе заигра рамо до рамо со некогашните соиграчи од Барселона во Интер Мајами.
„Морам да се одморам и да уживам во семејството, а тек потоа судбината ќе одлучи каде ќе продолжам“, кратко изјави Суарез по натпреварот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
