Мaрк Вилијамс со фантастична игра во финалето против Џон Хигинс ги воодушеви снукер-фановите ширум светот, а потоа им се оддолжи и на новинарите, доаѓајќи гол на шампионската прес-конференција.
Откако во второто коло го победи Роберт Милкин, Вилијамс изјави: Ќе дојдам гол на прес-конференција, само да станам шампион.
Свесен дека последен пат се искачи на тронот пред 15 години, а лани воопшто не учествуваше на шампионатот, Вилијамс знаеше дека шансите се мали. Сепак, тој играше се подобро од дуел во дуел, за на крајот да се искачи на тронот.
И веднаш да им порача на новинарите: Ќе дојдам како што се договоривме, не се грижете. Јас сум човек од збор.
И навистина, Марк Вилијамс пристигна на прес-конференција носејќи само знаме околу појасот, за веднаш штом седна да го отстрани и да го одржи ветувањето – гол да дава изјави на шампионската прес-конференција.
@Betfred pic.twitter.com/4wUZl2m5nA
— World Snooker (@WorldSnooker1) May 7, 2018
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
