ЕКИПА во Порто, Португалија
Владимир Булатовиќ
Македонскиот селектор нагласи дека здравствениот билтен во македонската репрезентација пред утрешниот историски натпревар на Македонија со Португалија на „Драгао“ е максимално поволен.
Адеми ќе биде подготвен за игра, а како што е познато, во комбинација се враќаат и Елиф Елмас и Тихомир Костадинов. Познат е почетниот тим за утрешниот натпревар, но секако селекторот Милевски не сака да го открива.
„Здравствениот билтен е максимално поволен. Немаме никакви проблеми со повредите, па според тоа ги знаеме и почетните 11 за утрешниот натпревар, но секако стартниот тим ќе го видиме утре“ – истакна Милевски, и дополни:
„Сигурен сум дека не очекува сосема поразличен натпревар од оној против Италија. Најважно е да го реализираме тоа што ќе се договориме, да се почитува секој момент од подготовките, a потоа на терен ќе се види кој за што бил подготвен и дали ќе одлучи на крај колективот или индивидуалните квалитети“.
Милевски нагласи дека Португалија е фаворит, но Македонија знае зошто е тука и верува дека може до ново изненадување.
„Португалија, и според тимот и според рејтингот, секако е фаворит. Ние сме приземни, стоиме цврсто на нозе, но многу добро знаеме дека заслужено сме тука и знаеме зошто сме дојдени во Порто“ – вели Милевски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
