Младиот напаѓач на Монако, Килијан Мбапе, блесна на „Сигнал Идуна парк“, постигнувајќи два гола за својот тим во триумфот (2-3) над Борусија Дортмунд. Уште еднаш покажа дека се работи за неверојатен талент, а неговиот тренер Леонардо Жардим вели дека тој е чудо на природата.
„Среќни сме што го имаме Мбапе во нашиот тим. Тој е неверојатно талентиран, и што е најважно, сака да учи на секој нареден тренинг и натпревар. Тој е чудо на природата, со одлични предиспозиции, а сето тоа го надополнува и со многу труд. Мислам дека има уште многу да се развива и дека може да стане еден од најдобрите фудбалери во светот“, изјави Жардим.
Монако е на добар пат да се пласира во полуфиналето на Лигата на шампионите, а се наоѓа на водечкото место и во францускиот шампионат.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
