Ракометарите на Алкалоид продолжуваат да испишуваат историја, па во втората сезона во која овој тим е дел од европските натпреварувања „сино-белите“ од Автокоманда стигнаа до првото европско финале, обезбедувајќи учество во финалето од ЕХФ Европскиот куп во кое ќе се сретнат со грчки АЕК.
Двата финални меча ќе се играат на 18/19 мај односно една седмица подоцна, а домаќинството ќе го одлучи ждрепка во просториите на ЕХФ во Виена.
Кој ќе биде домаќин на првиот меч, а кој на реваншот ќе се дознае утре на ждрепка во Виена со почеток во 11 часот.
Алкалоид има шанса да испише историја и да дојде до првиот меѓународен трофеј само неколку сезони од стартот на постоењето на овој клуб.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
