Македонската женска репрезентација до 19 години ќе одигра два контролни натпревари против соодветната селекција на Русија. Двата меча ќе се одиграат на стадионот „Младост“ во Струмица, на 24. и 27. октомври.
Овие тестови се подготовка за македонската женска репрезентација до 19 години која, од 25. ноември до 1. декември, ќе биде домаќин на квалификацискиот турнир, група Б, за пласман во повисок ранг квалификации за ЕП. На турнирот во Струмица ќе се соочиме со Грузија, Азербејџан и Словенија.
Селекторот на нашата млада женска репрезентација, Кирил Изов за натпреварите против врсничките од Русија ќе смета на следните фудбалерки:
Голмани: Ведрана Комненова (Љуботен), Ангела Блажева (Каменица Саса);
Одбрана: Росана Китановска (Љуботен), Михаела Додевска (Скопје), Јована Каралиоска (Скопје), Мила Панева (Скопје), Александра Ристевска (Топ Гол), Васка Василева (Каменица Саса), Канита Емини (Истатов), Ангела Димчова (Тиверија Брера);
Среден ред: Теона Галабовска (Тиверија Брера), Стефанија Божинова (Тиверија Брера), Сара Дика (АС Јунајтед), Андреа Коловска (Истатов), Никица Трендова (Скопје), Кристина Крстева (Скопје);
Напад: Настасја Накова (Љуботен), Елена Симјонова (Љуботен), Ана Боризоска (Скопје), Калина Попески (Црвена Звезда, Србија), Емили Митковска (Речица).
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
