Големото финале од Лигата на Европа меѓу Манчестер Јунајтед и Тотенхем, закажано за вечерва од 21 часот на стадионот „Сан Мамес“ во Билбао, веќе доби жестока увертира, но надвор од теренот.
Во Сан Себастијан, град оддалечен на околу еден час од местото на натпреварот, дошло до сериозен конфликт меѓу навивачите на овие два англиски гиганти.
Според пишувањата на британските медиуми, се започнало кога две спротивставени групи случајно се сретнале на улиците на баскискиот град, што довело до вербална пресметка која набрзо прераснала во физичка пресметка.
Очевидци тврдат дека тепачката избила нешто пред 21.30, а се резултирало со хаос во кој летале шишиња, столици и маси.
Локалните полициски единици брзо реагираа на местото на настанот и по пријава за нарушување пристигнаа за да спречат натамошно насилство и да воспостават контрола над ситуацијата. На помош била повикана и брза помош која на самата локација им укажала медицинска помош на повредените.
За среќа, не се евидентирани посериозни повреди бидејќи според извештаите – никому не му била укажана помош во здравствените установи.
Tottenham vs Manchester United in San Sebastian tonight! 💥🇪🇸 pic.twitter.com/wm6G2VVkCf
— 𝐂𝐚𝐬𝐮𝐚𝐥 𝐔𝐥𝐭𝐫𝐚 𝐎𝐟𝐟𝐢𝐜𝐢𝐚𝐥 (@thecasualultra) May 20, 2025
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
