Милан на едно коло до крајот на сезоната го осигура четвртото место и учеството во Лигата на Шампионите наредната сезона откако „росонерите“ славеа на гостувањето против Јувентус со минимални 0-1. „Старата дама“ мораше да слави ако сака да си ги задржи минималните шанси за Топ 4, но избраниците на Алегри одиграа уште еден потпросечен меч во кој со прикажаното не заслужија цел плен.
Јувентус беше подобар противник во дел од првото полувреме, но „црно-белите“ не успеаја да ги искористат шансите што ги создадоа. Казната стигна во 40. минута, Калабрија нафрли од десната страна, а Жиру погоди за 0-1, демонстрирајќи ги голгетерските способности со фантастичен удар со глава од десетина метри.
Очекувано, Јувентус ја презеде иницијативата и поседот на топката во вториот дел, но домаќините не создадоа ниту една стопроцентна шанса. Салемакерс и Леао ги имаа најубавите ситуации во второто полувреме, двајцата не успеаја да го совладаат Шчесни, но Милан сепак ја задржа предноста до самиот крај, за огромна победа на „росонерите“ во претпоследното коло од шампионатот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
