Челси апсолутно лесно се пласираше во шестата рунда натпревари од ФА Купот без поголеми проблеми славејќи со 4-0 против Хал.
Победникот на мечот се насети уште во 2. минута кога Вилијан погоди за 1-0, на асистенција на зимското засилување за „сините“, Французинот Оливие Жиру.
Педро во 27. минута стрелаше за 2-0, а во 32. минута Вилијан го постигна својот втор гол на мечот за водство од 3-0, а повторно на асистенција на Жиру.
И, конечно Жиру во 42. минута и самиот се запиша во листата на стрелците постигнувајќи го првиот гол во дресот на Челси, за конечни 4-0.
Во следната рунда натпревари од ФА Купот се пласираше и Лестер по победата од 1-0 против Шефилд јунајтед. Стрелец на единствениот гол на мечот беше Џејми Варди со прекрасен удар со глава во 66. минута од натпреварот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
