Ракометарките на Ѓорче Петров ја оправдаа улогата на фаворит во финалето на Купот на Македонија откако во финалето славеа над ЖРК Чаир со 36-19.
Мечот беше во егал само во првите 15 минути, кога Чаир беше во негатива од само еден гол (8-7). До крајот на првиот дел ѓорчепетровки заиграа подобро и на пауза заминаа со плус шест 15-9.
Во вториот дел избраничките на Симе Симовски од секоја позиција го решетаа голот на противникот за конечен триумф од 36-19.
Дежиќ со девет погодоци беше прв стрелец, зад неа беше Ризоска со осум гола. На другата страна Ѓеоргиевска имаше пет погодоци.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
