Екипата на ЖРК Вардар се закити со трофејот во кадетската женска ракометна лига на Македонија, за натпреварувачката сезона 2024/25. „Вардарки“ покажаа целосна доминација на фајналфор турнирот од кадетската лига, денеска за противник во големото финале ја имаа екипата на Стружанка, славејќи лесно со убедливи 32-17.
Титулата е апсолутно заслужена ако се знае дека „црвено-црните“ не знаеја за пораз во текот на целата сезона, а посериозен предизвик отколку во финалето имаа во полуфиналниот дуел од овој фајналфор турнир, кога го совладаа составот на Пелистер со 26-20.
Победата во финалето беше осигурана уште во првото полувреме што ЖРК Вардар го доби со убедливи 16-4, по што преостанатите 30 минути беа само рутина за избраничките на Даниела Вељаноска.
За МВП на овој фајналфор турнир беше избрана Мила Ристовска од редовите на шампионот ЖРК Вардар.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
