Европскиот првак Реал Мадрид утревечер (20.45 часот) го пречекува Баерн Минхен во реванш мечот од полуфиналето на Лигата на шампионите. „Кралскиот клуб“ има предност (1-2) од првиот дуел во Германија, но тренерот Зинедин Зидан нема да дозволи никакво опуштање во својот тим. Треба да се заслужи патот за Киев, во финалето на ЛШ.
„Ништо не е решено. Иако имаме предност од првиот меч, тоа секако нема да не опушти. Доволно сме свесни за тежината на реваншот, и за квалитетите на Баерн Минхен. Максимално сме мотовирани да обезбедиме пласман во ново финале, но патот дотаму е долг. Треба да се одиграат уште тешки 90 минути“, изјави тренерот на Реал Мадрид, Зинедин Зидан.
Од „кралскиот клуб“ доаѓа и информацијата дека Иско и Начо се подготвени за настап на утрешниот дуел.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
