Реал Мадрид на доминантен начин го елиминира Пари Сен Жермен во осминафиналето од Лигата на шампионите, потврдувајќи дека тимот на Зинедин Зидан има и сили и квалитет за уште една одбрана на пехарот во елитното натпреварување. Францускиот стратег како клучен фактор за триумфот ја издвои одличната хемија во тимот и вербата на фудбалерите во неговата тактика.
„Клучно е тоа што фудбалерите веруваа во тактиката која ја поставивме. Бевме дисциплирани, максимално фокусирани, и во таков натпревар малку екипи се на светот што може да го победат Реал Мадрид. Се подготвувавме како и секогаш, ништо посебно. Ги одбрав фудбалерите, ја подготвивме тактиката и совршено тие ја спроведоа на теренот. За мене беше важно да ги затвориме приодите по страничните позиции, затоа добија шанса Лукас Васкез и Марко Асенсио и беа одлични, како впрочен и целиот тим. Го направивме тоа што го очекувавме и сега одиме понатаму“, изјави Зинедин Зидан по елиминацијата на ПСЖ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
