Реал Мадрид не планира да ја продава својата најголема ѕвезда Кристијано Роналдо, иако медиумите секогаш бараат можна сензација и најавуваат негово враќање во Манчестер јунајтед или преселба во Пари Сен Жермен. Тренерот Зинедин Зидан истакна дека не може да го замисли „кралскиот клуб“ без Португалецот.
„Роналдо? Не можам да го замислам Реал Мадрид без Кристијано. Не можам да замислам ниту да игра за друг тим. Тоа се само приказни од медиумите“, изјави Зинедин Зидан во пресрет на дуелот со Селта.
Кормиларот на „кралевите“ демантираше и дека Кепа Аризабалага ќе пристигне на „Сантијаго Бернабеу“ во наредните денови.
„Ако мене ме прашувате како тренер, не ни е потребен нов голман оваа зима. Можеби на лето, тогаш ќе размислуваме многу потемелно за ангажирање на нови засилувања“, потенцираше Зизу.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
