Зинедин Зидан ќе има исклучително тешка задача да ја состави одбранбената линија на Реал Мадрид за гостувањето против ПСЖ откако на листата на отсутни фудбалери се приклучи и Марсело. Бразилскиот лев бек настрада при еден дуел на мечот со Леванте, по што лекарите препорачаа целосно мирувања во следните неколку дена, па Марсело воопшто нема да патува со „кралевите“ во француската метропола.
Покрај него, поради повреди првиот меч од новата сезона во ЛШ ќе го пропуштат и Иско, Модриќ, Валверде и Асенсио, а згора на тоа Зидан нема да може да смета ниту на Рамос и Начо. Двајцата дефанзивци нема да настапат на оваа средба поради суспензии од ланската сезона.
Ако има добра вест за Зидан, тоа е што од иста причина во таборот на ПСЖ ќе го нема ниту Нејмар, а Томас Тухел нема да може да смета ниту на Мбапе, кој влегува во завршната фаза од рехабилитациската програма.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
