Синоќешниот гол со ножички на Кристијано Роналдо во победата на Реал Мадрид од 0-3 на гостувањето против Јувентус според многумина е најубавиот во Лигата на шампионите на сите времиња. Но, еден од оние кои мислат така не е и тренерот на Реал, Зинедин Зидан.
По синоќешниот меч Зидан беше запрашан кој гол е поубав – оној неговиот против Баер Леверкузен или овој на Роналдо…
„Ох, мојот. Дефинитивно мојот“ – порача Зидан низ насмевка, за да веднаш се насочи кон самиот натпревар…
„Не е лесно да се постигнат три гола на гости против Јувентус. Одигравме одличен меч, но Јуве исто така игра добро. Создаваа шанси, но ние бевме поконкретни. Секако дека Јувентус не е среќен со еден ваков резултат. Може да кажам дека Јувентус засекогаш ќе биде во моето срце“.
А, што се однесува до Роналдо…
„Кристијано е поинаков од другите. Тој е сосема поразличен фудбалер од сите останати. Секогаш има желба да направи нешто неверојатно, посебно во Лигата на шампионите. Никогаш не се одмара од своите цели. Тој негов гол е навистина неверојатен, но промаши и две одлични шанси. Тоа е фудбалот“ – вели Зидан.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
