Тренерот на Реал Мадрид, Зинедин Зидан, само делумно е задоволен од играта на неговиот тим во мечот од 32. коло од Ла лига, против Леганес кој заврши без победник 1-1. Домаќините поведоа во финишот на првото полувреме со голот на Џонатан Силва, а конечниот резултат го постави Карим Бензема на стартот на вториот дел.
„Бевме лоши во првото полувреме. Во вториот дел игравме подобро и успеавме да избегнеме пораз. Знаевме дека не можеме ништо да освоиме сезонава. Остануваат уште шест натпревари и мораме да играме подобро. Следната сезона ќе играме многу подобро“, изјави Зидан.
Реал Мадрид со 61 бод е третопласиран во домашното првенство, зад Барселона и зџад Атлетико Мадрид, а во следното коло на „Сантијаго Бернабеу“ го дочекува Атлетик Билбао.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
