Напаѓачот на Манчестер Јунајтед Џошуа Зиркзе би можел да го пропушти остатокот од сезоната поради повреда на тетивата.
Холанѓанецот со повреда го напушти мечот против Њукасл во вториот дел и најверојатно ќе го оддалечи до крајот на мај.
Тој сигурно ќе отсуствува во следните неколку недели, а Рубен Аморим повеќе информации за повредата ќе открие на утрешната прес-конференција во пресрет на натпреварот против Олимпик Лион во четврт-финалето на Лигата на Европа.
Остануваат уште шест премиерлигашки натпревари за Јунајтед оваа сезона, а доколку се пласираат во финалето на Лига Европа, би играле и во Билбао на 21 мај.
Холанѓанецот, кој постигна седум гола оваа сезона, е некој за чија иднина често се зборува и не би било изненадување доколку го напушти клубот на крајот на кампањата. Така мечот кој го одигра против Њукасл може да му биде последен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
