Во својата нова книга „Јас сум фудбал“, Златан Ибрахимовиќ пишува и за својот фудбалски „дрим-тим“. На една од страниците во книгата „прикачено“ е парче хартија на кое Ибрахимовиќ го запишал својот избор на најдобрите фудбалери на сите времиња.
Во нападот се Ибрахимовиќ, Меси и Роналдињо. Средниот ред го држат Недвед, Виеира и Чави, а во позадина – Максвел, Неста, Тиаго Силва и Туран и Буфон на голот. Во „дрим-тимот“ на Ибрахимовиќ нема место за Роналдо. Него Швеѓанецот не го смета дури ни за резерва на клупа на која исто така има импресивно друштво со Хулио Цезар, Иниеста, Канаваро, Гатузо и Сидорф.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА