ЛА галакси загуби со 5-3 на гостувањето во Торонто, но никој не говори за конечниот резултат, туку за неверојатниот погодок што Златан Ибрахимовиќ го постигна, откако Швеѓанецот со неверојатен кунг-фу удар ја смести топката во мрежата за својот јубилеен 500. гол во кариерата.
А Златан не би бил она што е доколку по една ваква мајсторија не даде и нарцисоидна изјава.
„Гледано индивидуално фантастично е што постигнав 500 гола во кариерата, најверојатно имам повеќе голови отколку што сите овие играчи имаат одиграно натпревари заедно. Не ми беше првпат ппротивничките навивачи да ми аплаудираат, кога и да гостуваме во МЛС-лигата чувствувам дека тие се мои фанови, дека го ценат она што го правам“ – изјави Ибрахимовиќ.
Следеше и фантастичен коментар на социјалните мрежи: „Блазе си му на Торонто, ќе го памети мојот 500. гол во кариерата“ – напиша Златан.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
