Ракометниот клуб Алкалоид денеска и официјално ги потврди новите засилувања во пресрет на плејофот во домашното првенство. Како што информираат од раководството на Алкалоид, нови играчи на амбициозниот скопски суперлигаш се Иван Џонов, Давид Савреввски, Костадин Петров и младиот среден бек Дамјан Митев.
Савревски доаѓа од редовите на Вардар, Џонов со успех претходно го носеше дресот на Пролет, додека Петров се враќа назад во мак-ракометот по авантурата во исландскиот шампионат.
„РК Алкалоид го комплетираше својот играчки кадар за претстојниот дел од сезоната со четворица нови ракометари. Наши нови играчи се левиот бек Иван Џонов, десниот бек Давид Савревски, пикерот Костадин Петров и младиот среден бек Дамјан Митев. Со овие четворица играчи нашиот стручен штаб ќе добие повеќе опции за игра и тимот ќе стане поконкурентен во плејоф-натпреварувањето од Суперлигата, во кое ќе играат осумте најдобри екипи во Македонија“, објави скопскиот клуб.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
