Александар Стефанов е изборот на делегатите на Ракометната Федерација на Македонија за нов претседател на „куќата на ракометот“ на денешното Изборно Собрание на РФМ, на кое присутни беа 50 од вкупно 51 делегат на собранието.
Живко Мукаетов по три фантастично успешни мандати се повлече од кормилото на куќата на ракометот, а на негово место пристигна Стефанов, кој беше член на УО на РФМ во последните неколку години, воедно и прв човек на РК Бутел.
Стефанов беше единствен кандидат за претседател на денешното собрание откако Драган Начевски реши воопшто да не се кандидира за функцијата, по што тој беше едногласно изгласан за наследник на Мукаетов.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
