Седумкратниот шампион во Формула 1, Луис Хамилтон, наводно влегол во љубовна врска со познатата американска ријалити ѕвезда Ким Кардашијан.
Британските таблоиди откриваат дека познатата двојка поминала романтичен викенд во луксузниот хотел „Естел Манор“ во Котсволдс. Тоа е едно од омилените места за одмор на богатите и славните во Англија.
Ким Кардашијан наводно пристигнала во Англија со својот приватен авион вреден околу 100 милиони фунти. На аеродромот Оксфорд ја чекале две возила, едното резервирано само за нејзиниот багаж, бидејќи Ким пристигнала со осум големи куфери.
Хамилтон пристигнал еден час подоцна со хеликоптер од Лондон.
Англиските медиуми откриваат дека Хамилтон и Ким имале ексклузивно користење на спа-центарот и базенот за време на викендот, вечерале во приватна соба, подалеку од погледите на другите гости и папараците, а сведок им рекол на медиумите дека сè изгледало исклучително романтично. Тие биле фокусирани еден на друг.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
