Најпознатиот македонски пијанист, виртуозот Симон Трпчески серијата свои концерти ширум светски признатите центри, ја дополни и со концерт во шкотски Абердин.
Трпчески, кој добро е познато дека и тоа како е страстен поддржувач на македонскиот спорт и пред се фудбалската репрезентација, не пропушти можност за средба и со македонскиот фудбалски репрезентативец Бојан Миовски за време на својот престој во Абердин. И двајцата издвоија време за срдечна меѓусебна средба.
Маестро Симон Трпчески, пак, приреди и вистинска чест за Миовски поздравувајќи го пред почетокот на неговиот концерт.
„Иако Абердин е прилично далеку од Македонија, Шкотска поседува посебна топлина која секогаш ме импресионира. Знам Македонци кои живеат тука, но оваа вечер би сакал да ја посветам на една посебна личност која е во публиката моментално. Се работи за еден од нашите најдобри фудбалери и член токму на фудбалскиот клуб Абердин, а тоа е Бојан Миовски“ – потенцираше македонскиот виртуоз пред неговиот настап, по што следуваа овации за македонскиот репрезентативец.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
