Последниот патник во полуфиналето од разигурвањето за место во „елитата“ следната сезона му припадна на составот на Партизан Водно Санс кој ја доби четвртфиналната серија против Шкупи со 2-0. По победата во првиот дуел „црно-белите“ денеска одиграа нов одличен натпревар во кој благодарение на подобрата игра во првите триесет минути на крајот славеа со 99-103.
Натпреварот го отслика и немил настан во последната четвртина кога играчот на гостинскиот состав, Донаковски колабираше на паркетот, но благодарение на брзата интервенција на лекарската екипа и двата табора целата ситуација заврши со среќен крај.
Двата тима беа напаѓачки расположени на самото отварање на натпреварот, а ефиканисте први десет минути им припаднаа на гостите кои поведоа со 22-28. Добриот ритам на Партизан Водно Санс продолжи и до крајот на полувремето па гостите успеаја да ја зголемат предноста на +17 (42-59).
Во второто полувреме Шкупи постојано бркаше негатива, а во последниот дел „сино-белите“ одиграа одлично на двата дела од тенерот со што стигнаа и до негатива од еден напад. Домаќините имаа и шанса целосно да го превземат водството, но не успеаја во своите обиди. Натпреварот беше решен во последните 30 секунди кога при резултат 96-100, „црно-белите“ во три наврати го осигураа офанзивниот скок што беше доволно за победа.
Партизан Водсно Санс во полуфиналето ќе им се прилучи на екипите на Ангели, Феникс 2010 и Чаир 2030.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
