Втора лига: Митев со тројка во последните секунди донесе победа на штипјани во Скопје (ВИДЕО)

Овој викенд на кошаркарските терени ширум Македонија започна битката за пласман во „елитата“ на македонската кошарка. Шестте одиграни натпревари донесоа возбудувања и голема неизвесноста, а победникот на некои од средбите беше одлучен во самата завршница.

Во СРЦ „Кале“ Михајло Митев го предводеше тимот на Соколи 1933 до значајна победа против МЗТ Скопје 2 во поени зад линијата 6,75 на три секунди пред крајот на мечот. Последниот напад им припадна на „штркчињата“, но домаќинтие не успеаја да реализираат тројка за пораз од 73-75.

Неизвесно беше и во „Градски парк“ каде во репризата на минатогодишното финале во Третата лига, Куманово славеше со минимални 79-80 против Работнички. На гостинска победа се радуваа и Шкупи кој славеше во Струга против Црн Дрим со 88-91, Басет КАМ кој ја забележа најубедливата победа во 1. коло славејќи со 56-75 во домот на Борец Баскет, и Ангели кои го добија дерби мечот против Вардар со 69-74.

Својот дом го одбрани само ГКК Охрид кој во „Билјанини Извори“ славеше со 76-61 против Водно Санс.

Се вчитува...