Резилот кој Вардар им го приредува на своите навивачи во пролетниот дел од шампионатот, без разлика и на обезбедениот европски излез, дефинитивно не е пријатен за гледање – па дури и за самите челници на клубот.
Уште еднаш поигрувајќи си со своето име, историја и реноме, Вардар денеска одлучи да игра со младински тим во Чаир па доживеа убедлив пораз од 4-1 на теренот на кој генерации вардарови фудбалери никогаш не сакале да загубат, без разлика во каква позиција и ситуација бил клубот.
Бруката на Чаир до крај очигледно не можеа да ја гледаат ниту извршниот директор Самоил Симев, претседателот Мирко Спасески и директорот Илија Најдоски, и самите едни од главните виновници за овој „црвено-црн“ изглед пролетва, па се одлучија предвреме да си заминат од натпреварот.
Ако нешто е добро за Вардар – тогаш е тоа што конечно заврши оваа сезона!
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
