Четвртопласираниот тим во Првата лига, Шкупи, ќе добие лиценца за настап во квалификациите за Лигата на Европа. Раководството на клубот ја комплетираше документацијата до Второстепената комисија за лиценцирање, а таа издаде позитивна одлука која треба да биде во текот на денот верификувана и во „Макфудбал“, официјалното гласило на Фудбалската федерација на Македонија.
Претходно, лиценци за настап во европските купови добија и Шкендија, за учеството во квалификациите на ЛШ, како и Вардар и Работнички, за учество во квалификациите за ЛЕ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
