Роџер Федерер по четири години се враќа на земјениот турнир во Мадрид, објавија организаторите. Швајцарецот има три трофеи од овој турнир, од 2006, 2009 и од 2012 година. Тој две години ја пропушташе сезоната на земјени турнири, но по раната елиминација од Австралија Опен најави дека ќе се врати на подлогата која најмалку му одговара.
„Федерер е еден од најдобрите играчи во историјата. Среќни сме што се враќа во Мадрид и тоа е подарок за турнирот. Нашата публика ќе има можност да ужива во настапот на овој уникатен тенисер“ – вели директорот на турнирот, Фелицијано Лопез.
Федерер има 11 титули од турнирите на земја, меѓу кои и шест трофеи на турнирите од Мастерс 1000 серијата како и пехар од Ролан Гарос во 2009 година. Во Мадрид се очекува да играат и двајцата најдобри во моментов, Новак Ѓоковиќ и Рафаел Надал. Турнирот ќе се одржи на почетокот на мај.
¡Sí! ? ¡@rogerfederer jugará el #MMOPEN! ???❤ ¡Bienvenido de nuevo, Rog! ???? ¡Nos vemos en mayo en la Caja Mágica! ???https://t.co/R1CyMOJvsC pic.twitter.com/YDecSl04Rg
— Mutua Madrid Open (@MutuaMadridOpen) February 20, 2019
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА