Лина Ѓорческа продолжува со одличните настапи во дубл откако заедно со Анастасија Комардина од Русија стигна до троејот на турнирот што се одржуваше во Минск.
Ѓорческа и Комардина направија подвиг со вчерашниот полуфинален триумф над првите носителки, по што денеска полни со самодоверба влегоа во финалето против Кремен и Шиманович од Белорусија. Домашните тенисерки го добија првиот сет во тајбрејк, Македонката заедно со руската партнерка возвратија триумфирајќи со 6-4 во вториот сет, за потоа во тајбрејкот од третиот сет да слават со 10-8 и да се закитат со трофејот.
Ова е втора титула за Ѓорческа и Комардина во изминатите дваесетина дена откако претходно триумфираа и на турнирот во Есен, Германија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
