Кристијано Роналдо, и со 34 години, е во врвна форма упорно и упорно опстојувајќи како еден од најдобрите светски фудбалери. А, таков е, според многумина, и поради помалку невообичаените животни навики.
Португалската ѕвезда минува низ постојана диета, апсолутно внимавајќи каква храна и колку конзумира. Исто така, секогаш има до детали испланиран ден со тренинг и одмор. На менијата, јаде шестпати на ден, најчесто има лесни тестенини и пилешко месо, подготвени без масло и сол, а единствениот пијалок кој го конзумира е вода. Никогаш досега не вкусил од оние висококалорични јадења кои се најчесто на менито кај поголемиот дел од светските жители.
Тренинзите на Роналдо се испланирани до најмал детаљ. Петпати неделно има тренинг во теретана, а покрај тоа програм и за пилатес и пливање. Има свои лични тренери кои внимаваат да не се префорсира. Според неговата програма мора да спие најмалку осум часа на ден, притоа со легнување и станување секој ден во исто време. Исто така практикува попладневна дремка за која е докажано дека има бројни здравствени предности.
Спартанската дисциплина и тренинг со апсолутен режим во исхраната се клучот за формата на Кристијано. Па, навистина е се уште вистинско чудо на природата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
