Кошаркарите на МЗТ Скопје се врати на врвот од табелата во Првата македонска кошаркарска лига откако во 15. коло славеа на гостувањето против Академија ФМП со 66-71.
„Металците“ се мачеа повеќе од очекуваното но на крајот сосема заслужено стигнаа до победата, пред се благодарение на одлично одиграниот трет период од играта кој го добија со 15-24. Влегоа со 10 поени предност во последната четвртина што докрај не беше достижно за домаќините.
Најдобар во редовите на МЗТ беше Дамјан Стојановски со 19 поени, дополнети и со седум скока и две асистенции, а Маслинко мечот го заврши со 18 поени и осум скока. Крстевски постигна 12 поени. Во редовите на домашната екипа се издвои Даниел Начевски со „дабл-дабл“ ефект од 15 поени и 10 скока.
МЗТ ја запиша 12-та победа сезонава издвојувајќи се на врвот од табелата пред Гостивар кој е со 11 победи и четири порази. Работнички е со 10 победи и четири порази, но и натпревар помалку.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
