Црна Гора се пласираше во следната фаза од Светското првенство 2023 откако славеше против Чиле со 35-33. Црногорците по лошото отварање на мечот успеаја да влезат во серија со која ја превземаа иницијативата, на полувреме заминаа со предност од 20-18, а ја задржаа и до крајот на мечот и покрај налетот на Чилеанците во самата завршница.
Во групата „Б“ пол-позицијата и припадна на Франција која славеше со 31-35 во директниот дуел против Словенија за првото место. Французите беа подобриот противник во текот на целиот меч и немаа проблеми да ја задржат предноста до самиот крај.
Исланд го доби натпреварот против Јужна Кореја со 25-38 и го потврди пласманот во следната фаза од натпреварувањето. „Островјаните“ одлично го отворија мечот и брзо стигнаа до комотна предност за +6 на полувремето (13-19), а потоа имаа и полесна задача да ја задржат предноста во вторите 30. минути.
Бразил ќе патува со следната фаза од втората позиција на табелата во групата „Ц“ откако славеше против Зеленортски острови со 30-28. И покрај поразот во следната фаза патува и репрезентацијата на Зеленортски острови, а дома си оди Уругвај по убедливите порази во првите два меча.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
