Бојан Миовски со своите одлични настапи во Шкотска во дресот на Абердин, го сврте вниманието кон себе. Во изминатите месеци се шпекулираше за трансфер во Италија, Англија, а сега се погласни се шпекулациите дека ќе замине во еден од шкотските гиганти.
Голема е веројатноста Селтик да биде неговиот иден тим. Шкотските медиуми објауваат проект „Селтик 2024“ во која е и македонскиот голгетер во тимот.
Според најавите, Селтик подготвува понуда до Абердин во износ од 2 милиони фунти, а доколку и таа не биде прифатена, тогаш последната ќе биде 2 милиони плус играч да замине во спротивен правец.
Иако на Абердин сезонава не му оди како во минатото, сепак, Миовски е прв стрелец на екипата со досега шест постигнати гола, или три помалку од водечките стрелци. Тоа е доволна препорака за шкотските гиганти да го ангажираат. Цената која Абердин ја (по)бара е 5 милиони, но се чини дека овој тим ќе мора да попушти и за помалку да му дозволи на Миовски да оди во поголем клуб.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
