Фудбалерите на Струга ТЛ доживеаја дебакл на пријателскиот натпревар со рускиот прволигаш Оренбург за време на подготовките во Анталија.
Македонскиот шампион загуби со 5-1 од Русите во меч во кој стружани најпрво само го налутија противникот со водството од 24. минута од 0-1 по голот на Бесарт Ибраими. Потоа рускиот тим постигна пет гола, од кои два уште во првото полувреме преку Сиваков и Воробјев.
Во второто полувреме за Оренбург погодија и Столбов, Перез и Обухов.
Силекс, пак, убедливо со 4-1 славеше против второлигашот Арсими на својот втор пријателски натпревар за време на зимските подготовки. По првото полувреме на дуелот беше 1-1, а потоа Силекс во второто полувреме целосно го скрши отпорот на противникот.
Стрелци за кратовци беа Петров, во првото полувреме, а потоа во вториот дел Марко Ѓорѓиевски постигна два гола и еден Каланоски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
