Фудбалерите на Воска спорт со убедлива победа ги почнаа зимските подготовки за пролетниот дел од сезоната во Првата македонска фудбалска лига.
Воска на денешниот тест-дуел во Охрид славеше против второлигашот Караорман со 5-0. Никола Шаркоски и Ален Јашароски погодија во првото полувреме, а во второто полувреме во листата на стрелци се запишаа и Валентин Кочоски како и засилувањето Абдулхади Јахја кој постигна два гола.
Победа на денешниот пријателски натпревар забележа и Охрид против екипата на Победа од 3-1. Стрелци на головите за охриѓани беа Давид Матески, Ангел Крстески и Давид Карамачоски.
БЕЛАСИЦА ДО ЛЕСЕН ТРИУМФ НАД ВАРДАР НЕГОТИНО
Струмичка Беласица триумфираше против Вардар Неготино со 3-0 на денешниот пријателски натпревар кој се одигра на теренот на комплексот „Филип Лазаревски“ во Струмица. По претходниот убедлив пораз, Беласица сега успеа да дојде до триумф за време на зимските подготовки.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
