Македонскиот ракометен првак Е. Пелистер ги одреди цените за сезонските билети за сите приврзаници на битолчани кои сакаат во живо да ги следат и да им дадат поддршка на избраниците на тренерот Ангеловски, како во Лигата на Шампионите така и во домашниот шампионат.
„Во следните шест дена им даваме приоритет на сезонските претплатници од минатата сезона (2023/24), кои имаат можност да ги задржат своите места и за оваа сезона. До среда, 14 август 2024 година, сите сезонски претплатници од минатата сезона ќе може да си го задржат своето место на домашните натпревари на Еурофарм Пелистер во сите натпреварувања во спортската сала „Боро Чурлевски.
Потврдата за задржување на сопственото место во спортската сала „Боро Чурлевски“ испратете ја на клупскиот мејл – info@rkeurofarmpelister.mk, со напомена на вашето име и презиме и местото на трибината“, објавија од Е. Пелистер.
Цените на сезонски билети за натпреварувачката 2024/25 година за сите натпревари во сите натпреварувања ќе изнесуваат:
6.500 денари (Централни позиции – јужна и северна трибина)
5.500 денари (Странични позиции – јужна и северна трибина)
Што добивате со сезонскиот билет ?
* Ваше загарантирано место и присуство на сите натпревари во сите натпревари на домашен терен на РК Еурофарм Пелистер.
* На сите натпревари влегувате на посебен влез без гужви и чекање.
* Станувате дел од клубот на лојални подржувачи на РК Еурофарм Пелистер и РК Еурофарм Пелистер 2 и добивате можност за 10% попуст при купување на производи од Фан-продавницата на клубот.
* Добивате плакета „Наш лојален поддржувач“ со фотографија и потпис од сите играчи на РК Еурофарм Пелистер и РК Еурофарм Пелистер 2.
Продажбата на сезонските билети за сите наши навивачи, симпатизери и приврзаници ќе започне следната недела.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
