Потсдам на нашиот Мартин Томовски не успеа да стигне до триумф во првото коло од новата бундеслигашка сезона откако на домашен терен загуби од Битигхајм со резултат 26-28. Томовски летово го напушти Вардар и потпиша за Потсдам враќајќи се назад во Бундес-лигата, но уште на стартот е јасно дека македонскиот голман и неговиот тим ќе ги очекува жестока борба за опстанок.
Првото полувреме мина во израмнета битка, на одмор се замина со предност на гостите од 11-12, кои во вториот дел уште повеќе се одлепија резултатски. Потсдам успеа да се врати и да израмни на помалку од пет минути до крајот, но Битигхајм одигра поквалитетно во завршницата и стигна до триумф.
Томовски одлично го почна мечот, имаше 6 интервенции во првото полувреме, но потоа дојде и до пад кај него во вториот дел, па македонскиот репрезентативец го заврши натпреварот со седум одбрани и 25,9 проценти успешност. Тој беше заменет на десетина минути до крајот со Хелер, кој имаше две интервенции во финишот, недоволно за Потсдам да стигне до позитивен резултат.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
