Се одиграа сите натпревари од 17. коло во ПМФЛ, после кои Шкендија се врати на врвот на табелата, после нерешениот резултат на Силекс на гостувањето кај Гостивар. Работнички исто така „профитираше“ од ова реми, па се израмни со нив на табелата, а Струга ТЛ почна да заостанува откако загуби на „Чаир“.
Вардар и Тиквеш си поделија по еден бод. Вардарци мораа да бркаат израмнување во првиот дел, откако „фенерџијата“ шокантно во финишот на првиот дел поведе со голот на Спахиу.
Во вториот дел нововлезениот Мишковски носи израмнување. До крајот на натпреварот ниту еден од тивмоите не успеа да го најде вторпат патот до голот. Вардар напаѓаше, но не успеа да ги освои трите бода за опстанок.
Шкупи по серијата на порази, конечно, се израдува на триумф. И тоа против шампионот Струга кого го победи со 3-1. Победникот во голема мера беше решен уште по првиот дел кога чаирскиот тим се стекна со предност од 2-0 со головите на Гуеје и на Асани, а во вториот дел Стојановски ја најави катастрофата. Меѓутоа на крајот гостите само успеаја да намалат.
Работнички се врати во игра за врвот со победата над АП Брера со 1-3 во Струмица. „Романтичарите“ по првиот дел водеа со 0-2 со головите на Мазари и на Демири. Во вториот дел Гандо со „ножички“ зголеми на 0-3, а потоа убав гол постигна Мато за Брера само за намалување на предноста од 1-3.
Пелистер со сомнителниот гол на Мирко Ивановски уште од 18. минута, успеа да издвои победа на домашен терен со Беса. Ивановски можеби се послужи и со рака, но на крајот голот беше признат и покрај барањата на гостинските играчи за негово поништување.
Гостивар и Силекс одиграа без голови на „Борис Трајковски“ во Маџари.
Шкендија со голот на Флоренд Рамадани во вториот дел го совлада тимот на Воска Спорт, и се искачи на врвот после ремито на Силекс и Гостивар.
ПМФЛ, 17. КОЛО
АП БРЕРА – РАБОТНИЧКИ 1-3
(Мато 73′ – Мазари 17′, Демири 44′, Гандо 68′)
ГОСТИВАР – СИЛЕКС 0-0
ПЕЛИСТЕР – БЕСА 1-0
(Ивановски 18′)
ШКУПИ – СТРУГА ТЛ 3-1
(Гуеје 17′, Асани (п) 32′, Стојановски 74′ – Кехинде 88′)
ВАРДАР – ТИКВЕШ 1-1
(Мишковски 66′ – Спахиу 41′)
ВОСКА СПОРТ – ШКЕНДИЈА 0-1
(Рамадани 51′)
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
