Фудбалска Битола тагува по Бранислав Божиќ – Бранче, поранешниот фудбалер и тренер на Пелистер кој почина вчера во Канада, каде живееше во последните неколку години со своето семејство.
Бранислав Божиќ ќе го паметат битолчани и навивачите на фудбалскиот клуб Пелистер како тренер со кого Пелистер испиша историја. Божиќ беше тренер кога Пелистер го предводеше во Европскиот Интертото куп и ги имаше легендарните дуели со екипите на Хобшајд, Фролунда и Селта, за кои во Битола се бараше карта повеќе, а во тимот беа Цветковски, Момировски, Рутевски, Димов…
Бранислав Божиќ – Бранче беше дел од генерација на битолски фудбалери, кои што научија многу од него, и кои што потоа направија големи кариери, дел од нив стигнаа и до репрезентацијата на Македонија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
