Ајкут Туран официјално ја прифати функцијата генерален директор – извршен директор на ФК Шкупи. Туран е десната рака на новиот претседател Јасин Коњали, а истиот доби целосна доверба во градењето на составот за пролетниот дел од сезоната 2024/25.
Десна рака ќе му биде спортскиот директор Ндерим Неџипи, соопштуваат од клубот од Чаир.
За Ајкут Туран, кој по потекло е од Косово, Шкупи ќе биде неговиот прв клуб кој работи надвор од Турција, каде што претходно соработуваше со клубови како Менеменспор, Алтинорду, Бурсаспор и Аданадемирспор, каде што работеше со млади фудбалери, помагајќи им во градењето нивната фудбалска кариера.
Дипломирал на Универзитетот во Маниса „Челал Бајар“, на Факултетот за физичка култура, гранка, спортски менаџмент.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
