ЕКИПА во Хрватска,
Стеван Цаневски
Унгарија ќе ја има фаворитската улога на вечерашниот натпревар против Македонија, но во стручниот штаб на унгарскиот национален тим со голем респект гледаат на нашата национална селекција.
Тренерот на голманите на Унгарија, Харис Поробиќ, во изјава за „Немзети спорт“ обелодени на кого ќе биде ставен акцентот во играта во одбрана на унгарската селекција.
„Секако дека се подготвуваме подолго време за дуелот со Македонија, како и за секој прв меч на големите натпреварувања. Можам да кажам дека ќе играме со добра репрезентација предводена од квалитетен селектор. Македонците играат модерен ракомет, така што ќе мораме да бидеме со сериозен пристап на теренот од првата до последната минута. Бековите се нивната главна сила, тоа е она што ќе мораме да го запреме, пред се шутевите на Кузмановски, Серафимов и Митев. Тие се ударната сила на Македонија и специјално се подготвуваме за нив“, изјави Поробиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
