После драмата на првиот меч од 1/4 финалето помеѓу Хрватска и Унгарија, кој беше решен во последната секунда, стотинки решаваа за победникот помеѓу Франција и Египет.
Египет на четири секунди до крајот на мечот стигна до израмнување 33-33, меѓутоа веднаш Карабатиќ од центар шутираше, и топката влезе буквално на три стотинки пред крајот во мрежата. Судиите Начевски и Николов го признаа голот по прегледување на видео снимката.
Египет одлично се држеше, а натпреварот беше своевидна вртелешка кога станува збор за резултатот. Франција влезе во последните две минути со два гола предност, но Египет успеа да стигне, а потоа и неверојатен гол на Карабатиќ од центар во празниот гол за полуфинале на моќната Франција.
Мем и Ремили со по шест гола беа најефикасни кај Французите, а Хешам кај Египет постигна осум.
Франција ќе игра против Хрватска во полуфиналето во Загреб. Утре се двете четвртфинални натпревари Данска – Бразил и Португалија – Германија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
