Легендарниот уругвајски голман Фернандо Муслера после 14 години си замина од Галатасарај. Клубот се збогуваше од него на емотивен начин.
Голманот успеа да освои 19 трофеи во сите натпреварувања со клубот, и да стане легенда на тимот од Истанбул. Во меѓувреме стана и капитен на тимот.
„Ти благодариме Муслера. Сè уште бевме млади кога дојде пред 14 години. Нè натера да се восхитуваме на секоја твоја одбрана, ти верувавме во секој натпревар. Денес ѝ благодариме на легендата која нè придружуваше точно 14 години од нашите животи. 8 шампионски титули во Супер лигата, 6 Суперкупа, 5 турски купа… Со клубот освои 19 трофеи. Стана многу повеќе од обичен голман во историјата на Галатасарај. Ни покажа не само со одбрани, туку нè научи и на значењето на карактерот, заедништвото и лојалноста. Заедно пораснавме, Муслера. Секогаш беше на теренот во радост и тага. Понекогаш ја креваше тупаницата во воздух, понекогаш плачевме. Ти му го даде срцето на Галатасарај, а ние го резервиравме најубавиот агол од нашето срце за тебе. Денес те испраќаме со трофеи. Но знај дека најголемиот трофеј што си го освоил се нашите срца. Тие моменти се вечно врежани во меморијата на една генерација. Драго ни е што дојде и стана навивач на нашиот тим. Нека твоето срце биде секогаш со нас“, стои во објавата на Галатасарај.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
