Огромен е бројот на фудбалските суперѕвезди кои низ кариерите изјавуваат дека сакаат за крај да заиграат повторно за клубот каде го почнале патот кон славата.
Анхел ди Марија е еден од ретките кои може да се пофали дека тоа дадено ветување и го остварил, откако аргентинската легенда денеска и официјално го комплетираше трансферот во Розарио Централ, аргентинскиот клуб каде ја почна својата блескава кариера.
Интересно, тој во 2007 година од Розарио Централ потпиша за Бенфика, а сега, 18 години подоцна, токму по истекот на договорот со Бенфика се врати назад во овој аргентински клуб.
„Колку е прекрасно да се биде назад дома. Колку е голема радоста да се исполни овој сон. Да живеам во нашиот сакан град Розарио и повторно да го облечам дресот на Розарио Централ. Денеска ми е еден од најсреќните денови во животот“, објави Анхел ди Марија, крај фотографија од него со семејството, сите облечени во дресови на новиот клуб.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
