Селекторот на Австрија, Ралф Рангник има сериозни здравствени проблеми. По серијата операции на глуждот, се појавиле неочекувани компликации што го принудија повторно да остане во болница.
Како што пренесуваат германските медиуми, 67-годишникот се заразил со таканаречената „болничка бактерија“ по последната операција во Баварија. Па, место да се врати на теренот и да ги планира следните натпревари, Рангник сега се бори со инфекција што го комплицира неговото закрепнување.
Поради ваквиот развој на ситуацијата, неговото долгонајавувано објавување на списокот на националниот тим за 29 септември исто така отпаѓа. На негово место, работата ќе ја преземе помошникот Ларс Корнетка, кој најверојатно ќе седи на клупата во квалификациските натпревари со Сан Марино и Романија.
Рангник беше опериран за прв пат во јуни, но раната се инфицираше, па мораше повторно да оди под нож во јули. Иако се очекуваше дека сега целосно ќе се опорави, се случи спротивното – инфекцијата создаде нов проблем. Дури и на почетокот на месецот, беше јасно дека тренерот не е подготвен.
Во Зеница, за време на натпреварот меѓу БиХ и Австрија, тој дури се движеше користејќи електричен велосипед. Сето тоа со цел да се намали притисокот врз повредениот зглоб.
Поранешниот менаџер на Манчестер Јунајтед, кој ја презеде Австрија во 2022 година со единствена цел да ги однесе на Светското првенство во 2026 година, сега е во трка – не за бодови, туку за сопственото здравје.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
