Лионел Меси одигра уште еден маестрален натпревар и постави рекорд во победата на Интер Мајами против Њујорк Сити, со која си обезбедија место во плејофот од МЛС Купот. Аргентинецот прво запиша асистенција за Балтасар Родригез, а потоа постигна два гола во победата на својот тим од 4-0.
Луис Суарез постигна еден гол за својот тим откако се врати во составот по суспензијата од три натпревари.
Меси постигна два прекрасни погодоци, и двата во негов стил за одбележување. Двата гола го одведоа Меси пред Денис Буанга и Сем Сариџ во борбата за најдобар стрелец во МЛС.
Меси моментално има 24 постигнати гола, а покрај тоа, Меси учествувал во вкупно 37 гола за својот тим во лигата. Има и 13 асистенции и со тоа влезе во историјата на лигата. Тој е првиот играч во историјата што има 35 или повеќе голови и асистенции во повеќе сезони.
Кога станува збор за вкупните перформанси, тој е на третото место на сите времиња кога станува збор за постигнати голови со Џозеф Мартинез и Златан Ибрахимовиќ, а е зад Карлос Вела (49), при што има уште пет натпревари до крајот на регуларниот дел од сезоната.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
