Изборното собрание на фудбалскиот клуб Бенфика беше прекинато поради физичка пресметка што се случи меѓу членовите на собранието на лисабонскиот клуб. Две собранија на Бенфика беа закажани за сабота, првото за анализа на финансиската состојба од минатата сезона, а второто за дискусија за изборните прописи.
Првото собрание беше завршено, но страстите се разгореа за време на второто собрание кога потенцијалните кандидати за нов претседател почнаа да се качуваат на сцената. Речиси сите кандидати кои успеаја да зборуваат за своите програми жестоко го нападнаа сегашниот претседател на клубот, Руи Коста, поранешен легендарен португалски репрезентативец.
Руи Коста е претседател на Бенфика од 2021 година, но неговата позиција е сè понеизвесна, првенствено поради лошите резултати во последните години. Бенфика само еднаш ја освои португалската Примеира Лига во последните пет сезони. Руи Коста ја изгуби и довербата на навивачите.
За време на говорот на Луис Филипе Виеира, избувна физичка пресметка меѓу неколку лица во салата, по што собранието беше прекинато. Изборот на нов претседател е закажан за 25 октомври. Бенфика неодамна ја презеде легендарниот Жозе Мурињо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
