Бразилскиот Коринтијанс западна во големи долгови поради лошо склучен договор со познатиот холандски фудбалер Мемфис Депај.
Мемфис Депај, најдобриот стрелец на сите времиња во Холандија, се приклучи на популарниот бразилски клуб како слободен агент откако му истече договорот со Атлетико Мадрид во летото 2024 година.
Иако не е вообичаено европските фудбалери да одат во Јужна Америка, туку обратно, поранешниот играч на ПСВ Ајндховен, Манчестер Јунајтед, Лион, Барселона и Атлетико беше привлечен од страста на бразилските навивачи и желбата, како што самиот рече во тоа време, да игра во „меката на фудбалот“ – Бразил.
Договорот беше потпишан до крајот на декември 2026 година и сè беше идеално на почетокот. Тој брзо стана еден од клучните играчи, помагајќи му на тимот да излезе од зоната за испаѓање. И кога неговите спектакуларни голови му помогнаа на клубот да ја освои титулата во Паулиста (национално првенство на Сао Паоло), Холанѓанецот стана идол на навивачите.
Меѓусебната љубов цветаше и сè беше идеално, меѓутоа, Коринтијанс постојано беше потресен од финансиската криза и на крајот старото раководство на клубот се повлече, а новото најде ужас – големи финансиски долгови, меѓу другото, кон својата најголема ѕвезда.
Коринтијанс му должи на Депај сума од милиони поврзани со дополнителните бонуси ветени при потпишувањето на договорот бидејќи Холанѓанецот дојде како слободен агент. И тоа не е сè. Се покажа дека клубот потпишал договор според кој Депај е сместен во луксузен стан што го чини клубот околу 40.000 евра месечно.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
